Rosalía, a filla do mar é unha proposta teatral que revisita os episodios vitais menos coñecidos de Rosalía de Castro, achegándose á autora desde unha mirada íntima, humana e familiar. A obra constrúese a partir da voz de Gala Murguía de Castro, unha das fillas da...
ACR Pena Furada
» Provincia
» Localidade
» Enderezo
» Sitio web
» Teléfono
» Presentación
ACR Pena Furada, grupo de teatro amador, nace en 2023 arredor da Escola de Teatro Municipal de Coirós.
Trátase dun proxecto creativo e pedagóxico no que toda a actividade xorde dun proceso de creación colectiva.
A directora e as intérpretes participan activamente en todas as fases do proxecto: investigación histórica e biográfica, escrita dos textos, interpretación, elaboración do vestiario, escenografía e atrezzo.
Este traballo integral converte o teatro nunha ferramenta pedagóxica e comunitaria, fomentando a aprendizaxe artística, a autonomía creativa e o
coñecemento da cultura galega.
O proceso pon en valor o traballo manual, a transmisión oral e a memoria compartida, establecendo unha ponte entre xeracións e facendo da escena un espazo de encontro e reflexión colectiva.
Os nosos primeiros pasos de cara ao público déronse en Coirós, tanto en actuacións en vivo coma en documentos audiovisuais.
• Febreiro 2023: video “A Xustiza Pola Man” para conmemorar o día de Rosalía de Castro
• Novembro 2023: video “Soltar” arredor do 25N, día pola eliminación da violencia machista
• Febreiro 2024: recital poético musical polo día de Rosalía de Castro
• Maio 2024: Café Tennessee, adaptación de pezas cortas do dramaturgo estadounidense Tennesse Williams
• Nadal 2024: “Conto de nadal”
• Novembro 2025: presentación da obra orixinal “Rosalía, a filla do mar”.
• Nadal 2025: “Camiño a Belen”
» Obras
Súmate á FEGATEA
Se queredes disfrutar como grupo federado de todas as actividades que realiza a FEGATEA, podedes facer unha solicitude de adhesión co seguinte formulario.
