A acción desenvólvese no mes de setembro, nos nosos días, nunha cidade calquera con mar e aeroporto.
Sabina García é unha actriz que desexa acadar os seus soños como tal, algún día: conseguir mellores papeis. Tamén desexa e soña con ser nai dunha familia numerosa. Para o primeiro vai sobrada de recursos como actriz, pero o segundo xa é máis complicado, pois o seu amor, por máis promesas que lle fai, non é quen de se comprometer máis a fondo. Mentres Sabina ensaia no seu ático o seu último papel, espera que soe o teléfono agardando que sexa o seu amor, o que vai soar é o timbre da porta onde se vai atopar con… pasen e vexan.
