Baseada na comedia de Oscar Wilde “The importance of been Earnest”
Archie é un vividor, snob e arruinado, que usa a enfermidade dun amigo inexistente como escusa para non asistir aos eventos sociais que organiza a súa tía, Lady Bracknell; Xan é o seu camarada e emprega un alter ego, o seu falso e falcatrueiro irmán Severo,para poder divertirse en Londres sen dar lugar a rexóubeos entre os seu achegados no campo. O primeiro devece coñecer a Cecilia, a pupila de Xan, e este está namorado de Susana, a filla de Lady Bracknelll.
Un día, Archi, sen que Xan o saiba, preséntase no domicilio no campo deste, facéndose pasar polo seu falso irmán, Severo, coa intención de coñecer e namorar a Cecilia, o que consegue a primeira vista. A chegada de Susana para visitar a Xan, ao que coñece polo nome de Severo, complica todo aínda máis, pois ambas mulleres cren estar prometidas co mesmo home.
A esa improvisada xuntanza, uniranse Lady Bracknell, Miss Prims; a institutriz de Cecilia, e o Reverendo Ascot, contribuíndo a desvelar un feito acontecido moitos anos antes e que afectará a todos os presentes.
