Estamos tolos? Si, ben, un pouco, non, bastante tolos.
Como se non fose xa complicado poñer en pé unha obra de teatro, nós decidimos
facer unha obra de teatro baseada nunha película, pero non calquera película…iso
sería menos complicado, mellor facelo cunha que sexa moi coñecida, para poñer o
listón aínda máis alto…en fin, que estamos tolos!
A vida de Brian é unha das mellores comedias de tódolos tempos e posiblemente o
filme máis provocativo dos Monty Python.
Brian nace nun pesebre de Belén o mesmo día que Xesucristo. Unha serie de
desgraciados e divertidos equívocos fan que leve unha vida paralela á do verdadeiro
fillo de Deus. O seu carácter e o ambiente de decadencia e caos no que está Galilea
naquela época, farán que viva a súa propia versión do calvario.
Gocen desta tolería!!
