As Mulleres soas é un sainete de Mariana Cabañas, unha actriz, empresaria e escritora madrileña de mediados do século XVIII.
Pertenceu a unha compañía teatral na que os homes, nunha das súas postas en escena, fixeron tamén os papeis femininos. Como reacción e vinganza, Mariana Cabañas escribe “Las mujeres solas”, unha peza moderna para a súa época, feminista, reivindicativa. Na cal,as mulleres, sabéndose dominadas polos homes, buscan e loitan pola súa liberdade, intentan demostrar que valen tanto coma eles, que sen elas, os homes, non son nada e que, economicamente, as mulleres poden valerse por si mesmas.
