Olimpo’s

O grupo de teatro amador FarandOleiras Cabaré, recupera un espectáculo “divino”. Como é xa tradicional en todos os seus espectáculos, a compañía segue fiel á súa proposta de teatro cabaré, onde combinan pequenas escenas de teatro con números musicais, sempre desde una perspectiva crítica e actual. Desta volta, FarandOleiras sobe ás alturas para amosarnos como viven e pensan as deusas e deuses dun hipotético (e bastante galego) Olimpo e como inflúe a súa presenza nos pobres mortais. Neste Olimpo farandoleiro, tamén se fan enquisas de igualdade, tamén hai teito de cristal e… Ata hai secesionismo galego!