No Nadal do ano 2002, un grupo de mozos e mozas que participabamos na Aula de teatro do concello de Vedra, decidimos retomar a actividade da Asociación Cultural Papaventos (1988) e volver facer teatro. Foi así como , ao abeiro desta asociación, naceu o grupo Andaravía Teatro. Desde entón Andaravía Teatro estreou espectáculos de distintos xéneros: comedia, drama, teatro do absurdo, sainete, musical, pasarrúas, visitas teatralizadas, teatro infantil…que foron representadas máis alá de Galicia e de España (Portugal, Arxentina ou Italia).
A nosa paixón polo teatro fixo que no 2004 botaramos a andar Teatrofilia, mostra de teatro amador de Vedra, co fin de proporcionar un espazo de expresión artística para o grupos de teatro afeccionado e contribuír, ao tempo, á dinamización cultural do noso concello e comarca.
Xs Papaventiñxs presenta unha adaptación colectiva da obra de "As laranxas máis laranxas de tódalas laranxas" dirixida pola titirimestra Cristina Collazo. https://fegatea.gal/grupo/andaravia-teatro-a-c-papaventos/ https://www.facebook.com/acpapaventos/?locale=es_ES...
Esta comedia escrita e dirixida por Clara Gayo parte do "camiño de Santiago como espazo de encontro": encontro entre culturas, intereses e inquedanzas. Dous veciños de Vedra unen as súas forzas para poder sacar uns cartos extras beneficiándose da proximidade do Camiño...
Brincando no mundo dos contos atopamos acontecementos máxicos e misteriosos. O descubrimento da receita do mexunxe marrón de Testarrota causa unha grande disputa entre dúas poderosas bruxas, quen acadará a enerxía que transmite este misterioso mexunxe?. Algo lle está...
Xacovedra, un espectáculo de variedades onde hai cancións e sketches, é a nosa modesta contribución aos fastos e celebracións múltiples deste ano Xacobeo que tanto tardou en vir. Nesta obra refléxase, desde o humor, o presente e futuro do fenómeno socioeconómico que...
Se queredes disfrutar como grupo federado de todas as actividades que realiza a FEGATEA, podedes facer unha solicitude de adhesión co seguinte formulario.
